Comprehensive Youth Services

"A Healing Place for Children and Families"
 

Home     About Us     Our Services     Contact Us     Links     Community Partners     Support CYS
Compassionate and Confidential
 

3795 E. Shields
Fresno, CA  93726

 

559.229.3561

FAX 559.229.3681
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 

 

XUV XIM LUG NTAWM

COMPREHENSIVE YOUTH SERVICES    

              

Tshwm Sim Lub 4 Hlis, Tim 14, 2003

 

 

 

Ntawv Ceeb Toom Txug Kev Tswjfwm  Ntaub Ntawv Tsi Pub Leejtwg Paub

TSAAB NTAWV CEEB TOOM NUAV YUAV QHA SEB KOJ COV NTAUB NTAWV MOB NKEEG YUAV RAUG SIV HAB QHA TAWM LE CAAG HAB KOJ YUAV UA LE CAAG TXHAJ LE MUAB TAU COV NTAUB NTAWV NUAV.  THOV SAIB TSAAB NTAWV NUAV KUAM ZOO.

 

KEV TSWJFWM NTAUB NTAWV TSI PUB LEEJTWG PAUB HAB KOJ

 

Koj cov “ntaub ntawv txug kev noj qaab nyob zoo” mas yog koj tug kheej le xwb.  Cov Comprehensive Youth Services “Muab Kev Noj Qaab Nyob Zoo,” yuav tsum muab koj cov ntaub ntawv txug kev noj qaab nyob zoo khaws zoo ca, tsi pub leej twg paub txug.  Peb yuav tau txais koj cov ntaub ntawv qha txug koj txuj kev noj qaab nyob zoo, thaum kws koj tuaj xaam phaj thov Comprehensive Youth Services “Paab Tu Kev Noj Qaab Nyob Zoo.“ Peb cov Kws Khu Mob, Kws Khu Nav, Tsev Khu Mob, hab Tsev Soj Ntsuag Mob yuav khaws koj cov ntaub ntawv qha kev mob nkeeg ca.  Koj cov Kws Khu Mob, cov Kws Khu Nav, cov Tsev Khu Mob, hab Tsev Soj Ntsuag Mob yuav xaa koj cov ntaub ntawv qha kev mob nkeeg moog rua “Npaaj Tswjfwm Kev Noj Qaab Nyob Zoo,” kuas puab leeg paub had leeg them koj tej nqe tu mob.  Peb yuav tsum xaa tsaab ntawv ceeb toom, raws le kev cai lij choj, nuav tuaj qha koj, hab qha txug seb peb yuav muab koj cov ntaub ntawv txug koj kev noj qaab nyob zoo zais le caag kuas luas tsi paub txug.

 

KEV PAUV TSAAB NTAWV CEEB TOOM TXUG KEV TSWJFWM NTAUB NTAWV TSI PUB LEEJTWG PAUB

 

Ib tug Comprehensive Youth Services “Muab Kev Noj Qaab Nyob Zoo” yuav tsum ua raws le cov cai huv tsaab ntawv ceeb toom nuav.  Peb muaj cai hloov tsaab ntawv ceeb toom yaav tom ntej, hab tsim tsaab ntawv ceeb toom tshab, tshwm sim thaum twg los tau, rua taagnrho cov ntaub ntawv kws peb khaws.  Yog tas peb hloov kev cai tshab lawm, peb yuav muab tsaab ntawv ceeb toom tshab tiv tawm rua suavdlawg tau pum tom peb chaw hawjlwm.  Yog tas tsaab cai tshab muaj lug tseem ceeb los peb yuav sau ntawv tuaj qha koj tsi pub dlhau le 60 nub.

 

PEB YUAV SIV HAB QHA TAWM KOJ COV NTAUB NTAWV LE CAAG

 

Cov Comprehensive Youth Services “Muab Kev Noj Qaab Nyob Zoo” yuav tsum noog kev cai lij choj txug kev siv hab qha koj cov ntaub ntawv tawm, xis le koj lub npe, koj chaw nyob, koj tug kheej, kev khu koj tug mob yaav taag lug, hab koj cov ntaub ntawv xim txheej qha kev mob nkeeg.  Comprehensive Youth Services yuav siv hab qha koj cov ntaub ntawv txug kev noj qaab nyob zoo tawm coj lug muab kev tu mob, lug muab nyaj them kev khu mob, hab lug leg cov Comprehensive Youth Services “Npaaj Tswjfwm Kev Noj Qaab Nyob Zoo.”  Comprehensive Youth Services yuav siv hab qha koj cov ntaub ntawv mob nkeeg tawm thaum kws:

 

  • Peb pumzoo tso cai muab nyaj txag lug paab khu mob hab khu nav
  • Peb tshwm sim hauv kev lug them nqe tu mob
  • Peb txaus sab, muab, hab them nqe tu mob
  • Peb rhawb saib hab nplua kev teebmeem yuam cai (xis le dlaag noj)

 

VIM LE CAAG PEB TXHAJ LE SIV LOS YOG QHA TAWM KOJ COV NTAUB NTAWV QHA TXUG KEV NOJ QAAB NYOB ZOO:

 

  1. Vim Kev Khu:  Ib tug Comprehensive Youth Services “Muab Kev Noj Qaab Nyob Zoo” yuav siv hab qha tawm koj cov ntaub ntawv rua lwm lub “Muab Kev Tu Noj Qaab Nyob Zoo” hab “Npaaj Tswjfwm Kev Noj Qaab Nyob Zoo,” kws saib xyuas koj kev noj qaab nyob zoo.  Peb yuav qha tawm koj cov ntaub ntawv kuam koj tau kev paab xis le koj xaav tau.  Pev txwv tas Comprehensive Youth Services yuav siv hab qha tawm koj cov ntaub ntawv kev mob nkeeg lug txav txim seb koj yuav tau txais kev khu mob le caag.

 

  1. Vim Them Nuj Nqe:  Cov Comprehensive Youth Services “Muab Kev Noj Qaab Nyob Zoo” yuav tsum siv hab qha tawm koj txuj kev mob lug muab tau tug nqe nyaj kws puab tau paab khu koj.  Pev txwv tas thaum kws Comprehensive Youth Services them koj cov nuj nqe khu mob, peb yuav tsum muab koj txuj kev mob nkeeg luam nrug rua dlaim nqe them hov.  Cov ntaub ntawv nuav muaj koj tug kev mob, koj tug Kws Khu Mob lub npe, hab lwm yaam kev tu kws koj tau txais.

 

  1. Vim Dlej Num Tu Mob:  Peb yuav siv koj cov ntaub ntawv xim txheej mob nkeeg lug soj ntsuag seb koj kev txais tu kuas noj qaab nyob zoo puas muaj nqe.  Peb tseem siv koj cov ntaub ntawv lug saib xyuas nyaj txag, saib xyuas kev dlaag kev ntxag, hab saib xyuas koomtxoos tsi raug cai.  Peb tseem siv koj cov ntaub ntawv lug npaaj hab dlha cov Comprehensive Youth Services “Npaaj Tswjfwm Kev Noj Qaab Nyob Zoo.”

  

  1. Vim Ntawv Ceeb Toom Noj Qaab Nyob Zoo:  Peb yuav xaa rua koj xuv xim has txug kev kuaj mob dlawb hab lwm yaam tseem ntsab lug.  Pev txwv tas ua ntej kws pib kawm ntawv, peb yuav xaa ob peb lub chaw kws koj cov miv tub miv nyuas moog nkaug tshuaj dlawb ua ntej yuav moog kawm ntawv.

 

  1. Vim Leg Kev Cai Lij Choj Hab Plaub Ntug:  Peb yuav siv hab qha tawm koj cov ntaub ntawv kev mob nkeeg yog tas tsev has plaub tau has peb, los yog thaum kws kev tsi raug cai tshwm sim.  Pev txwv tas ib tug kws lij choj tau xaa ntawv tuaj rua peb nug txug koj, peb yuav tsum muab koj cov ntaub ntawv rua nwg.

 

  1. Vim Rov Qaab Has Plaub Dlua:  Yog tsev tu plaub ntug txav txim taag lawm, es koj, los yog koj tug “Muab Kev Tu Noj Qaab Nyob Zoo,” xaav rov has plaub dlua, peb yuav muab koj cov ntaub ntawv coj lug siv ua kev txav txim.  Pev txwv tas muaj ib tug tuab neeg xaav tau kev paab khu mob, kev paab khu nav, los yog kev paab khu hlwb lug ntawm Comprehensive Youth Services, temsis Comprehensive Youth Services tsi txaus sab paab.  Yog tas tug tuab neeg hov xaav rov qaab has dlua, peb yuav tsum rov qaab siv nwg cov ntaub ntawv mob nkeeg dlua.

 

  1. Puas Tsim Nyog:  Peb yuav tsum qha tawm koj cov ntaub ntawv mob nkeeg rua “Npaaj Tswjfwm Kev Noj Qaab Nyob Zoo, Tseem Fwv, Xeev, hab koj lug zog cov chaw haujlwm, thaum kws koj xaam phaj xaav tau ib lub Comprehensive Youth Services “Kev Paab Tswjfwm Kev Noj Qaab Nyob Zoo (Health Program)”, seb koj puas tsim nyog txais kev paab; hab lwm yaam homphaj kws zoo xis le kev leg dlej num ntawm cov Comprehensive Youth Services “Muab Kev Noj Qaab Nyob Zoo” hab puab cov ke paab.  Pev txwv tas yog Xeev California xaav saib koj cov ntaub ntawv seb koj puas tsim nyog txais ib txuj kev pab tshab, kuas noj qaab nyob zoo, peb yuav tau qha koj cov ntaub ntawv tawm rua Xeev California seb koj puas tsim nyog txais tau.

 

  1. Vim Ntawv Peev Num Hab Soj Ntsuag Ntawm Kev Tsim Txom:  Peb yuav siv hab qha tawm koj cov ntaub ntawv mob nkeeg rua Kev Paab Tiv Thaiv Mivnyuas, Kev Paab Tiv Thaiv Cov Laug, los yog cov tub tswj kev cai lij choj, yog tas Xeev los yog Tseem Fwv lij choj xaav tau.

 

  1. Vim Mam Kev Raug Mob:  Peb yuav siv and qha tawm koj cov ntaub ntawv mob nkeeg rua tub tswj kev cai lij choj yog tas yuav nreg tau kev raug mob rua luas lwm tug pejxeem.

 

  1. Vim Pejxeem Kev Noj Qaab Nyob Zoo:  Peb yuav siv hab qha tawm koj cov ntaub ntawv mob nkeeg rua pejxeem cov kooshum khu mob nkeeg kws naj nub khaws hab tsim ntaub ntawv xim txheej, xis le yug mivnyuas, kev tuag, hab taug kab mob kev nkeeg.

  

  1. Vim Saib Xyuas Kev Noj Qaab Nyob Zoo:  Peb yuav siv hab qha tawm koj cov ntaub ntawv mob nkeeg lug soj ntsuag, ntsuag saib, los yog saib xyuas cov “Muab Kev Tu Noj Qaab Nyob Zoo.”  Pev txwv tas peb yuav siv hab qha tawm koj cov ntaub ntawv mob nkeeg lug saib xyuas seb koj txais kev paab puas zoo.

 

  1. Vim Tseem Fwv Kev Paab:  Peb yuav siv hab qha tawm koj cov ntaub ntawv mob nkeeg rua Tseem Fwv cov kooshum paab pejxeem.  Pev txwv tas peb qha tawm koj cov ntaub ntawv lug txav txim seb koj puas tau tseem fwv nyaj paab (SSI).

 

  1. Vim Lub Cuab Yig, Phoojywg, and Luas Lwm Tug:  Peb yuav siv hab qha tawm koj cov ntaub ntawv mob nkeeg rua cov tuabneeg kws leg tu koj tug mob, kuas yog tas koj tsi kaam kuas peb qha nua tes koj yuav tsum has peb paub.  Pev txwv tas koj kuas koj ib tug txheeb ze moog nqaa koj cov tshuaj tom chaw muab tshuaj, peb yuav muab koj dlaim ntawv qha tshuaj mob rua nwg. Yog tas koj tsi kaam ua le nuav, koj yuav tsum has rua peb paub.

 

  1. Vim Kev Tshawb Nrhav:  Peb yuav siv hab qha tawm koj cov ntaub ntawv mob nkeeg coj moog tshawb nrhav kev khu koj tug mob los yog coj moog ua kev kawm, temsis yuav tsi qha koj npe.

 

  1. Vim Rov Qha Dlua Sijhawm Teem Tseg:  Peb yuav rov hu koj los yog rov sau ntawv rua koj tuaj qha koj txug sijhawm teem tseg rov sib ntsib has txug kev paab khu koj tug mob, yog tas koj tsi qha peb kuam xob hu koj dlua.  Pev txwv tas peb saib seb leej twg yuav tuaj cuag Kws Khu Mob, peb yuav rov sau ntawv rua koj tuaj qha txug lub sijhawm kws koj tub teem tseg lawm.

 

  1. Vim Lwm Yaam Kev Khu:  Peb yuav siv hab qha koj cov ntaub ntawv mob nkeeg lug qha koj txug lwm yaam kev khu mob kws tejzag koj yuav nyam.  Peb yuav siv hab yuav qha koj tug mob rua lwm cov “Muab Kev Tu” los yog lwm cov “Npaaj Tswjfwm Kev Noj Qaab Nyob Zoo” seb luas puas muaj tej yaam kev khu txawv rua koj.

 

  1. Vim Tswj Kev Cai Lij Choj:  Peb yuav qha koj cov ntaub ntawv mob nkeeg rua cov tub tuav kev cai lij choj, yog tas Tseem Fwv los yog Xeev kev lis kev cai tau tso cai.  Pev txwv tas thaum kws tub tswj kev cai lij choj soj ntsuag ib qhov teebmeem, yog nwg nug txug koj tug mob, peb yuav tau qha rua.

 

  1. Vim Kev Cai Lij Choj Tau Yuam Lawm:  Peb yuav tsum tau siv hab qha tawm txug koj cov ntaub ntawv mob nkeeg vim Tseem Fwv los yog Xeev kev cai tau yuam los yog tso cai lawm.

 

TSO CAI YUAV TSUM SAU TSEG

 

 Ib tug Comprehensive Youth Services “Muab Kev Noj Qaab Nyob Zoo” yuav siv hab qha tawm txug koj cov ntaub ntawv mob nkeeg xis le has taag.  Yog tas peb xaav siv koj cov ntaub ntawv txawv dlua le kws tau sau tseg lug nuav, peb yuav tsum tau koj lu lug tso cai sau tseg rua nruab ntawv.  Yog koj tso cai lawm, koj muaj cai muab ncua tseg nub twg los tau.  Yog koj tau muab koj lu lug tso cai ncua tseg lawm, peb yuav tsum ua raws le koj has, ntshe tsuas yog peb tub ua taag le koj tso cai ua ntej lawm xib.

 

Lwm Txuj Kev Cai Lij Choj Kws Yuav Tiv Thaiv koj ntaub ntawv kev noj qaab nyob zoo:  Lwm txuj kev cai lij choj yuav tsum yuav koj lu lug tso cai sau tseg lug qha tawm tej yaam kev mob hlwb los yog kev ntxhuv sab, kev khu vwm dlej vwm cawv los yog kev khu quav yeeb quas tshuaj, soj ntsuag los yog khu HIV/AIDS.

 

KOJ COV CAI TSWJFWM NTAUB NTAWVTSI PUB LEEJTWG PAUB YOG DLAAB TSI?

 

Koj muaj cai:

 

  • Has kuas peb sau ntawv tiv tuaj koj xib, has kuas peb sau ntawv rau koj ntawm ib lub chaw nyob txawv koj lub, has kuas peb sau ntawv rua koj rua tom chaw xaa ntawv (PO Box), los yog koj muaj cai has kuas peb tiv tuaj koj lug ntawm xuv tooj xwb.  Peb yuav txaus sab noog txhua yaam lug thwj toob.

 

  • Saib hab luam koj dlaim Comprehensive Youth Services ntaub ntawv txug kev noj qaab nyob zoo kws lub Comprehensive Youth Services khaws ca tseg.  Tug kws koj txaus sab sawv cev taas koj yeej muaj cai muab hab saib tau cov ntaub ntawv nuav rua koj.  Peb muaj ntaub ntawv qha txug koj tug tswvyim tswj kev noj qaab nyob zoo, koj cov nuj nqe khu mob, hab lwm yaam ntaub ntawv xeev xim txheej has txug koj tug mob.  Yog tas koj xaav saib los yog xaav luam cov ntaub ntawv xim txheej nuav, koj yuav tsum sau ntawv rua peb.  Koj yuav tsum them tug nqe kws peb tau luam hab xaav cov ntaub ntawv rua koj.  Qee zag, peb yuav tsi kaam muab koj cov ntawv rua koj.  Yog tas peb tsi kaam muab koj cov ntaub ntawv rua koj, peb yuav sau ib tsaab ntawv tuaj qha koj seb vim le caag peb txhaj le tsi kaam.  Yog tas peb tsi kaam muab koj cov ntaub ntawv rua koj, koj muaj cai nrhav kev paab lug ntawm lwm leej lwm tug.

 

  • Has lub Comprehensive Youth Services kuas muab koj cov ntaub ntawv pauv huv koj cov ntawv xim txheej yog tas peb sau tsi meej los yog sau tsi thwj.  Yog tas lub Comprehensive Youth Services muab pauv lawm, peb yuav has rua taagnrho cov kws tuav koj cov ntaub ntawv nuav kuas puab paub.  Tejzag peb yuav tsi tso cai rua koj pauv cov ntaub ntawv nuav hab.  Yog tas peb tsi kaam muab koj cov ntaub ntawv pauv rua koj, peb yuav sau ib tsaab ntawv tuaj qha koj seb vim le caag peb txhaj le tsi kaam pauv.  Koj muaj cai sau ntawv rov qaab tuaj rua peb yog tas koj tsi txaus sab.

 

  • Txais dlaim ntawv qha seb lub Comprehensive Youth Services muab koj cov ntaub ntawv mob nkeeg qha tawm rua leejtwg, temsis yog tas koj cov ntaub ntawv kws qha tawm hov has txug kev khu mob, kev them nqe, hab kev leg dlejnum ntawm “Kev Paab Tswjfwm Kev Noj Qaab Nyob Zoo”, xib tes koj yuav muab tsi tau cov tuabneeg nuav cov npe.  Dlaim ntawv nuav yuav qha tau seb nub twg yog nub kws lub Comprehensive Youth Services tau muab koj cov ntaub ntawv qha tawm, vim le caag txhaj qha tawm, hab qha tawm dlaabtsi txug koj.  Dlaim ntawv kws qha cov tuabneeg nuav yuav pib lub 4 hlis, nub tim 14, xyoo 2003.  Dlaim ntawv kws koj xaav tau thawj zaj (tuaj ib xyoo) yog dlawb xib.  Yog tas tuaj ib xyoo hov, es koj xaav tau tshaaj ib dlaim lawm tes koj yuav tau them cov tom qaab.  Yog tas peb tsi kaam muab dlaim ntawv nuav rua koj, peb yuav sau ib tsaab ntawv tuaj qha koj seb vim le caag peb txhaj le tsi kaam.

 

  • Has kuas lub Comprehensive Youth Services muab koj cov ntaub ntawv txug kev khu mob, kev them nqe, hab lwm yam haujlwm has txug kev mob nkeg nuav siv los yog qha tawm, miv li miv tau.  Temsis, peb muaj cai tsi noog koj has.  Yog tas peb tsi txaus sab ua le koj xaav tau, peb yuav sau ib tsaab ntawv tuaj qha koj seb vim le caag peb txhaj le tsi kaam.  Yog tas peb txaus sab ua le koj has, peb yuav noog koj txuj kev tswj, ntshe tsuas yog muaj xim ceev kws yuav tau siv koj cov ntaub ntawv lug paab khu xib.  Koj muaj cai muab koj txuj kev tswj ncua tseg lub sijhawm twg los tau.  Tsi tag le xwb, yog tas peb has koj paub lawm, peb muaj cai ncua koj txuj kev tswj lub sijhawm twg los tau.

 

  • Nug hab muab tau Tsaab Ntawv Ceeb Toom Txug Kev Tswjfwm Ntaub Ntawv Tsi Pub Leejtwg Paub.  Koj yuav yos tau tsaab ntawv nuav nyob rau www.cysfresno.org.

 

****** TSEEM CEEB ******

IB QHOV COMPREHENSIVE YOUTH SERVICES “KEV PAAB TSWJFWM KEV NOJ QAAB NYOB ZOO” KWS THEM KOJ COV NQE TU MOB, TEMSIS TSI LEG KOJ COV NTAUB NTAWV “TU KEV NOJ QAAB NYOB ZOO,” YUAV TSI MUAJ KOJ COV NTAUB NTAWV XIM TXHEEJ TAAGNRHO.  YOG TAS KOJ XAAV SAIB, XAAV LUAM, LOS YOG XAAV PAUV KOJ COV NTAWV XIM TXHEEJ TXUG KEV MOB, KOJ YUAV TSUM NUG KOJ TUG KWS KHU MOB, KOJ TUG KWS KHU NAV, LOS YOG KOJ LUB TSEV KHU MOB.

 

KUV YUAV MUAB NTAUB NTAWV TXUG KUV COV CAI TSI PUB LEEJ TWG PAUB LE CAAG LOS YOG YUAV YWG LUG XAIV LE CAAG?

 

Tiv tuaj peb

 

  • Yog tas koj xaav nug txug tsaab ntawv nuav.
  • Yog tas koj xaav siv cov cai tsi pub leej twg paub huv tsaab ntawv ceeb toom nuav.
  • Yog koj xaav tas koj cov cai tsi pub leej twg paub raug hlaa lawm.
  • Yog koj tsi txaus sab rua cov cai hab cov cai dlha dlej num tsi pub leej twg paub nuav.

 

Tsi taag le, koj muaj cai ywg rua lub Comprehensive Youth Services los yog ywg rua Tseem Fwv los tau.

 

 

Hu xuv tooj los yog sau ntawv rua peb:

 

                     CYS Privacy & Information Security Officer

                     3755 E. Shields Avenue

  Fresno, CA 93726-7029

                      (559) 229-3561

 

Yog yuav ywg rua Tseem Fwv, tiv tuaj chaw haujlwm CYS Privacy & Security Officer.  Puab yuav muab U.S. Department of Health and Human Services, Office of Civil Rights, lub chaw nyob rua koj.

 

TSI PUB SIB PAUJ

Ib lub Comprehensive Youth Services “Muab Kev Noj Qaab Nyob Zoo,” yuav tsi cuam tshuam koj cov “Kev Paab Tu Mob” los yog yuav ua pauj rov qaab rua koj, yog tas koj ywg, los sis siv, koj cov cai ntaub ntawv tsi pub leejtwg paub.

 

Yog tas koj xaav tau tsaab ntawv ceeb toom nuav, kws yog lwm haiv lug, los yog lwm dlaim qauv kws humxeeb nrug “Americans With Disabilities Act,” thov hu los yog sau ntawv rua CYS Privacy & Security Officer lub chaw hauj lwm kws has tseg.

©2004 Comprehensive Youth Services of Fresno, Inc. All rights reserved.